Ғылыми кеңес | Ш.Уалиханов атындағы КМУ

Қазақстан Республикасының
Білім және ғылым министрінің
м.а. 2007 жылдың 22 қарашасындағы
№574 бұйрығымен бекітілген
Жоғары оқу орындарының Ғылыми кеңесі
қызметінің және оны сайлау тәртібінің
үлгі ережелері

1. Жалпы ережелер

Жоғары оқу орындарының Ғылыми кеңесі қызметінің үлгі ережелері (бұдан әрі - Ереже) Қазақстан Республикасынының 2007 жылғы шілденің 27-сіндегі «Білім туралы» заңының 44 бабы 9 тармағына сәйкес әзірленген.

1. Жоғары оқу орындарының Ғылыми кеңесі (бұдан әрі – Ғылыми кеңес) жоғары оқу орнын алқалық басқару нысанының бірі болып табылады.

2. Ғылыми кеңес өз қызметінде Қазақстан Республикасының заңнамаларын, осы Ережені, сондай-ақ жоғары оқу орнының (бұдан әрі ЖОО) жарғысын басшылыққа алады.

Ғылыми кеңес қызметі оның құзыретіне кіретін мәселелерді ұжымдық талқылауға негізделеді.

2. Құрамы, құрылымы және қызметтері

Ғылыми кеңестің құрамы және оны сайлау тәртібі
Ғылыми кеңес ЖОО жетекшісінің бұйрығымен құрылады.
Ғылыми кеңестің құрамына ЖОО-ның жетекшісі, жетекшінің орынбасарлары, құрылымдық бөлімшелердің жетекшілері, профессор-оқытушы құрамының, ЖОО-ның студенттік және қоғамдық ұйымдарының өкілдері кіреді. ЖОО-ның жетекшісі Ғылыми Кеңестің Төрағасы (бұдан әрі -төраға) болып табылады.
Төраға Ғылыми кеңес төрағасының орынбасарын тағайындайды.
Төраға болмаған кезде орынбасар оның міндетін атқарады.
Төраға Ғылыми кеңес жұмысын ұйымдастырады және оның қызметін Қазақстан Республикасының заңнамасы мен осы Ережеге сәйкес қамтамасыз етеді.
Ғылыми кеңес өз жұмысын оқу жылына әзірленіп, бекітілген жұмыс жоспары негізінде ұйымдастырады.
Ғылыми кеңес отырыстары айына кем дегенде бір рет тиісті оқу жылына әзірленіп, бекітілген жұмыс жоспарына сәйкес өткізіледі.
Егер де Ғылыми кеңес отырыстарына оның мүшелерінің кем дегенде 2/3 қатысса, онда ол заңды күші болып табылады.
Ғылыми кеңестің мүшесі дәлелді себептер бойынша Ғылыми кеңестің отырысына қатыса алмайтын болса ол туралы алдын ала төрағаға хабарлауы керек.
Ғылыми кеңестің шешімдері Ғылыми кеңестің отырысына қатысушылардың басым бөлігі дауыс берсе, қабылданды деп саналады.