Адрес: ул. Темирбекова 30, корпус №2, кабинет декана №218
Тел. приемной: 8 (7162) 25-26-10;
Факс: +7(7162) 25-55-97
e-mail: ftt_2014@mail.ru

История факультета >>>

Құрметті талапкерлер!

Қазіргі әлемде инженер қоғам дамуының негізгі тұлғасы болып табылады. Инженерлік мамандықтың басты ерекшелігі оның ғылыммен байланысы, осыған байланысты инженерлік жобалаудың мақсаттары, міндеттері мен мазмұны өзгереді. Бұдан инженерлік білім инновациялық болуы керек. Яғни, біздің инженер-түлектеріміз еңбек нарығының талаптарына толық көлемде сәйкес келуі тиіс.

Политехникалық факультетінде дамытудың стратегиялық мақсаты: білім, ғылым, инновациялар мен бизнесті интеграциялау үшін жетекші (өңірлік) білім беру, ғылыми-зерттеу, әдістемелік және консалтингтік орталық қалыптастыру болып табылады.

Кәсіпкерлік ойлау қабілеті бар жаңа буынның инженерлік-техникалық кадрларын даярлау үшін факультетте 60 жылдан астам уақыт бойы қалыптасқан қуатты материалдық-техникалық база бар.

Политехникалық факультетінің құрылу тарихы 1963 жылдан бастау алады, Көкшетау қаласында Павлодар индустриялық институтының Жалпы техникалық факультеті құрылып, 1972 жылы Қарағанды политехникалық институтының құрамына ауыстырылады. Жалпы техникалық факультеттің негізінде 1993 жылы Қарағанды политехникалық институтының Көкшетау филиалы ұйымдастырылған, содан кейін ол Ш. Уәлиханов атындағы Көкшетау мемлекеттік университетінің құрамына кірді.

Факультет құрамында үш кафедра, онда тау-кен ісі, құрылыс және сәулет, машина жасау, ақпараттық технологиялар, автомобиль көлігі, астықты сақтау және өңдеу технологиясы, тіршілік қауіпсіздігі және қоршаған ортаны қорғау мамандықтары саласындағы бакалаврлар мен магистрлерді дайындау жүргізіледі.

Политехникалық факультет үнемі даму үстінде, факультет кафедраларында Қазақстан Республикасының жаңа кәсіптер атласына сәйкес жаңа білім беру бағдарламалары әзірленуде. Өйткені, біздің түлектеріміз өз болашағына сенімді және нық қадам басалатынын түсінеміз, олар қазіргі заманғы еңбек нарығының жаңа талаптарына сай болуы тиіс. Біздің студенттерді оқыту ыңғайлы, заманауи, инновациялық болуы үшін факультетте барлық жағдай жасалған. Тәжірибелік дағдыларды игеру үшін біздің студенттерімізге Ақмола облысының ірі кәсіпорындарында кафедра филиалдары құрылды, олар: "AltyntauKokshetau" АҚ, "Тыныс" АҚ, "Тиолайн" ЖШС, "Агример Астық" ЖШС және т. б.

Сондықтан біз талантты, мақсатқа ұмтылған, өмірде табысқа жетуге бағытталған жастарды күтеміз!

Жарқын болашағыңыз үшін сапалы білім таңдаңыз!

Ualikhanov university түлегінің брендін лайықты қолдайсыз деп үміттенеміз!

Политехникалық факультетінің деканы, техника ғылымдарының кандидаты, профессор Жапарова С.Б.

Бакалавриат контингенті – 833 студент, білім беру гранты негізінде  – 721 студент, ақылы негізде – 248 студент, оның ішінде 2 студент ҚР Президентінің атаулы шәкіртақысының иегері, 7 студент Ақмола облысы әкімінің шәкіртақысының, 2 студент Ш.Уәлиханов атындағы КМУ Ғылыми кеңесі шәкіртақысының иегері болып табылады.  
Факультеттің мақсаты – жұмыс берушілердің заманауи талаптарын есепке ала отырып, жоғары біліктілік деңгейіндегі заманауи бакалаврлар мен магистранттарды даярлау. Біздің студенттеріміздің республиканың және шетелдердің ЖОО-да академиялық ұтқырлық бағдарламасы бойынша бір семестр бойы оқуына, сондай-ақ еуропралық білім беру бағдарламалары шеңберінде қосымша білім алу үшін барып оқуына мүмкіндіктері бар. Факультет қызметкерлерінің ғылыми және педагогикалық қызметі Астана, Алматы, Челябинск, Мәскеу, Санкт-Петербург, Мелитополь, Барнауыл сынды отандық және халықаралық жетекші оқу орталықтарымен студенттер мен оқытушылардың алмасуына негіздеме болды.

Кафедралар:

·    Ақпараттық жүйелер және есептеу техникасы кафедрасы
·    Тау-кен, құрылыс және ТҚ кафедрасы
·    Инженерлік технологиялар кафедрасы

Білім беру бағдарламалары

Бакалавриат:
·    5В070300 – Ақпараттық жүйелер
·    5В070400 – Есептеу техникасы және БҚ
·    5В071300 – Көлік, көлік техникасы және технологиялар
·    5В071200 – Машина жасау
·    5В072800 – Қайта өңдеу өндірісінің технологиясы
·    Тау-кен ісі
·    Тіршілік қауіпсіздігі және қоршаған ортаны қорғау
·    Құрылыс

Магистратура:
·    6М070300 – Ақпараттық жүйелер
·    6М070400 – Есептеу техникасы және БҚ
·    Тіршілік қауіпсіздігі және қоршаған ортаны қорғау